ഇംഗ്ലണ്ടിനെതിരായ നാലാം ടെസ്റ്റില്‍ ഫീല്‍ഡിംഗിനിടെ ഭുവനേശ്വര്‍ കുമാര്‍ എറിഞ്ഞ പന്ത് കൊണ്ട് അമ്പയര്‍ക്ക് പരുക്ക്. വിക്കറ്റ് കീപ്പറിന് എറിഞ്ഞ നല്‍കിയ പന്താണ് അമ്പയറായ പോള്‍ റാഫേലിന്റെ തലയില്‍ കൊണ്ടത്.
കളിയുടെ 49 ാം ഓവറിലാണ് സംഭവം. അശ്വിന്റെ പന്ത് സ്‌ക്വയര്‍ ലെഗ് ഭാഗത്തേക്ക് ഇംഗ്ലണ്ടിന്റെ പുതിയ ഓപ്പണര്‍ ജെന്നിങ്‌സ് തിരിച്ചുവിട്ടു, പന്ത് ഫീല്‍ഡ് ചെയ്ത ഭുവനേശ്വര്‍ വിക്കറ്റ് കീപ്പര്‍ക്ക് എറിഞ്ഞു കൊടുത്തെങ്കിലും വേഗത കുറവായതിനാല്‍ കീപ്പര്‍ പട്ടേലിനടുത്തേക്ക് എത്താതിരുന്ന പന്ത് അമ്പയര്‍ പോള്‍ റാഫേലിന്റെ തലയില്‍ ഇടിക്കുകയായിരുന്നു. ഉടന്‍ തന്നെ റാഫേല്‍ തളര്‍ന്നു വീണു.
കാര്യമായ പരുക്കേറ്റില്ലെങ്കിലും മത്സരം നിയന്ത്രിക്കാനുള്ള അവസ്ഥയായിരുന്നില്ല. പ്രാഥമിക ശുശ്രൂഷ നല്‍കിയ ശേഷം പരിശോധനയ്ക്കായി റാഫേലിനെ ആശുപത്രിയിലേക്ക് മാറ്റി. മൂന്നാം അമ്പയറായ മേരിയസ് ഇറാമസ് റാഫേലിന് പകരമെത്തി.
