മലയാളത്തിലും തമിഴിലും വന്‍ ആരാധകരുള്ള യുവതാരമാണ് നിവിന്‍ പോളി. നിവിന്‌റെ നായികയായി മലയാള സിനിമയില്‍ അരങ്ങേറ്റം കുറിക്കാനൊരുങ്ങുകയാണ് തെന്നിന്ത്യന്‍ സുന്ദരി തൃഷ. ശ്യാമപ്രസാദ് നിവിനെ നായികയാക്കി ഒരുക്കുന്ന ചിത്രത്തിലാണ് തൃഷ നായികയാവുക.
നേരത്തെ ഗൗതം വാസുദേവ് മേനോന്‍ ഒരുക്കിയ വിണ്ണൈത്താണ്ടി വരുവായ എന്ന ചിത്രത്തില്‍ മലയാളിയായി തൃഷ അഭിനയിച്ചിട്ടുണ്ട്. ചിത്രത്തില്‍ ആലപ്പുഴക്കാരിയായ ജെസി എന്ന കഥാപാത്രത്തെയായിരുന്നു തൃഷ അവതരിപ്പിച്ചത്.
