കോപ്പിയടിക്കുന്നത് തന്റെ കഴിവാണെന്ന് തുറന്ന് സമ്മതിച്ച എസ്എഫ്‌ഐ നേതാവായിരുന്ന നസീമിന്റെ അക്കൗണ്ട് ഇപ്പോള്‍ ഫേസ്ബുക്കിലില്ല. ‘തോല്‍ക്കാന്‍ മനസ്സില്ലെന്ന് ഞാന്‍ തീരുമാനിച്ച നിമിഷമായിരുന്നു. ഞാന്‍ ആദ്യമായി വിജയിച്ചത്’ എന്ന് കുറിച്ചതിന്റെ താഴെ ഒരാള്‍ കമന്റ് ചെയ്തതിന് പിന്നാലെയായിരുന്നു നസീമിന്റെ കമന്റ്. ഈ അക്കൗണ്ട് കാണാതായതോടെ ട്രോളുകളും ആരംഭിച്ചു കഴിഞ്ഞു. പഠിച്ച് പിഎസ്സി പരീക്ഷയെഴുതിയ യുവജനതയെ വെല്ലുവിളിക്കുന്ന തരത്തിലായിരുന്നു നസീമിന്റെ വാക്കുകള്‍. ഇത് മാധ്യമങ്ങളിലും സമൂഹമാധ്യമങ്ങളിലും വാര്‍ത്തയായതോടെയാണ് നസീം അക്കൗണ്ട് അപ്രതീക്ഷമായത്.
യൂണിവേഴ്സിറ്റി കോളജ് വിദ്യാര്‍ത്ഥി അഖില്‍ ചന്ദ്രനെ കുത്തിയ കേസിലും പിഎസ്സി പരീക്ഷാ തട്ടിപ്പ് കേസിലും ജയിലിലായിരുന്ന നസീമും ശിവരഞ്ജിത്തും കഴിഞ്ഞ ദിവസമാണ് സ്വാഭാവിക ജാമ്യത്തില്‍ പുറത്തിറങ്ങിയത്. ജയിലില്‍ നിന്നും ഇറങ്ങിയതിന് പിന്നാലെ നസീം സോഷ്യല്‍ മീഡിയയില്‍ വീണ്ടും സജീവമാവുകയായിരുന്നു.
