കൊച്ചി: കൂത്താട്ടുകുളത്ത് സ്‌കൂള്‍ കുട്ടികളെ കയറ്റിവന്ന ജീപ്പ് മതിലിലിടിച്ച് മൂന്നു മരണം. ജീപ്പിലുണ്ടായിരുന്ന രണ്ടു കുട്ടികളും വാഹനമോടിച്ചിരുന്ന ഡ്രൈവറുമാണ് മരിച്ചത്.
വിദ്യാര്‍ത്ഥിനികളായ ആന്‍ മരിയ, ഷിജി, ഡ്രൈവര്‍ ജോസ് എന്നിവരാണ് മരിച്ചത്. അപകടത്തില്‍ 15ഓളം കുട്ടികള്‍ക്കും പരിക്കേറ്റു. ഇതില്‍ രണ്ടുപേരുടെ നില ഗുരുതരമാണ്. കൂത്താട്ടുകളും മേരിഗിരി സ്‌കൂളിലെ യു.കെ.ജി വിദ്യാര്‍ത്ഥിനികളാണ് മരിച്ച കുട്ടികള്‍ ഇരുവരും. ഡ്രൈവര്‍ ഉറങ്ങിപ്പോയതാവാം അപകടകാരണമെന്ന് കരുതുന്നു.മൃതദേഹങ്ങള്‍ ദേവമാത ഹോസ്പിറ്റലില്‍ സൂക്ഷിച്ചിരിക്കുകയാണ്.
