കോണ്ഗ്രസ് നേതാവ് രാഹുല് ഗാന്ധിയെ പ്രധാനമന്ത്രി സ്ഥാനാര്ത്ഥിയായി ഉയര്ത്തിക്കാട്ടാന് ഇന്ത്യ സഖ്യം തീരുമാനിച്ചിട്ടില്ലെന്ന് സിപിഎം ജനറല് സെക്രട്ടറി എംഎ ബേബി. ഇത്തരമൊരു കാര്യം ഇന്ത്യ സഖ്യം ആലോചിക്കുകയോ തീരുമാനിക്കുകയോ ചെയ്തിട്ടില്ലെന്നും അദ്ദേഹം പറഞ്ഞു.
രാഹുല് ഗാന്ധി ഇന്ത്യ സഖ്യത്തിന്റെ സ്ഥാനാര്ത്ഥിയല്ല. കോണ്ഗ്രസ് നേതാക്കളുടെ പ്രസ്താവനകള് അപക്വവും അനാവശ്യവുമാണ്. ബിജെപിയെ പരാജയപ്പെടുത്താന് ഒന്നിച്ച് നില്ക്കാനാണ് ഇന്ത്യ സഖ്യത്തിലെ ധാരണ. പ്രധാനമന്ത്രിയെ തീരുമാനിക്കുന്നത് തെരഞ്ഞെടുപ്പിന് ശേഷമായിരിക്കും. പ്രതിപക്ഷ നേതാവ് ആയതുകൊണ്ട് രാഹുല് ഗാന്ധിയെ ഉയര്ത്തിക്കാട്ടുന്നുവെങ്കില് മല്ലികാര്ജുന് ഖാര്ഗെയ്ക്കും ഇതേ സ്ഥാനമുണ്ടെന്നും എംഎ ബേബി പറഞ്ഞു.
