ഹൃദയാഘാതത്തെ തുടര്‍ന്ന് കുഴഞ്ഞുവീണ 23 കാരന് മുംബൈയില്‍ ലേസര്‍ ആന്‍ജിയോപ്ലാസ്റ്റിയിലൂടെ പുതുജീവിതം. ജോലിക്കായി പോകുമ്പോള്‍ കുഴഞ്ഞുവീണതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോഴാണ് ലേസര്‍ ആന്‍ജിയോപ്ലാസ്റ്റി പരീക്ഷിച്ചത്. സ്റ്റെന്റ് ഉപയോഗിക്കാതെയായിരുന്നു ശസ്ത്രക്രിയ. രക്തധമനിയില്‍ രക്തം കട്ടപിടിച്ചത് ലേസര്‍ ആന്‍ജിയോപ്ലാസ്റ്റിയിലൂടെ നീക്കാനായി. മുംബൈ എല്‍എച്ച് ഹിരാന്‍ന്ദനി ആശുപത്രിയിലായിരുന്നു ചികിത്സ. യുവാക്കള്‍ക്കിടയില്‍ വര്‍ധിച്ചു വരുന്ന ഹൃദയാഘാത സാഹചര്യങ്ങള്‍ക്ക് ലേസര്‍ ആന്‍ജിയോപ്ലാസ്റ്റി മികച്ച ചികിത്സാമാര്‍ഗമാണെന്ന് ആരോഗ്യ വിദഗ്ധര്‍ പറയുന്നു.
