കനത്ത മഴക്കെടുതിയെ തുടര്‍ന്ന് മണാലിയില്‍ കുടുങ്ങിയ ഹൗസ് സര്‍ജന്‍മാര്‍ സുരക്ഷിതരാണെന്നും ഇവരെ പുറത്തെത്തിക്കുന്നതിന് ഗതാഗതം പുനസ്ഥാപിക്കാന്‍ ശ്രമങ്ങള്‍ നടക്കുന്നതായും ആരോഗ്യമന്ത്രി വീണാ ജോര്‍ജ്ജ്. ആരോഗ്യവകുപ്പ് പ്രിന്‍സിപ്പല്‍ സെക്രട്ടറി ഹിമാചല്‍ പ്രദേശ് ഡിജിപിയുമായി ആശയവിനിമയം നടത്തി. തൃശൂര്‍ മെഡിക്കല്‍ കോളേജില്‍ നിന്നുള്ളവര്‍ കൂടുതല്‍ താഴേക്ക് ഇറങ്ങി തുടങ്ങിയിട്ടുണ്ട്. എല്ലാവരും സുരക്ഷിതരാണ്. ഗൈഡും ഇവര്‍ക്കൊപ്പമുണ്ട്. വൈദ്യുതി ഇല്ലാത്തതിനാല്‍ ഡോക്ടര്‍മാര്‍ക്ക് മൊബൈല്‍ ചാര്‍ജ് ചെയ്യാന്‍ കഴിയുന്നുണ്ടായിരുന്നില്ലെങ്കിലും ആശങ്കപ്പെടേണ്ടതില്ലെന്നും മന്ത്രി കൂട്ടിച്ചേര്‍ത്തു.
