തിരുവനന്തപുരം: ടെക്‌നോപാര്‍ക്ക് റോട്ടറി ക്ലബിന്റെ എന്റെ ഗ്രാമം പദ്ധതിക്കു തുടക്കമായി. തിരുവനന്തപുരം മെഡിക്കല്‍ കോളെജില്‍ നടന്ന ഉല്‍ഘാടന ചടങ്ങില്‍ മെഡിക്കല്‍ കൊളേജ് ക്രിട്ടിക്കല്‍ കെയര്‍ യൂണിറ്റിലേക്ക് വേണ്ട അവശ്യ വസ്തുക്കളും ഉപകരണങ്ങളും കൈമാറി. ദേശീയ ഡോക്ടേഴ്‌സ് ഡേ ദിനത്തോടനുബന്ധിച്ച് സംസ്ഥാന കോവിഡ് മെഡിക്കല്‍ ബോര്‍ഡ് അംഗവും തിരുവനന്തപുരം മെഡിക്കല്‍ കോളെജ് ക്രിട്ടിക്കല്‍ കെയര്‍ വിഭാഗം തലവനുമായ ഡോ. അനില്‍ സത്യദാസിനെ റോട്ടറി ക്ലബ് ഓഫ് ടെക്‌നോപാര്‍ക്ക് വൊക്കേഷനല്‍ സര്‍വീസ് എക്‌സലന്‍സ് അവാര്‍ഡ് നല്‍കി ചടങ്ങില്‍ ആദരിച്ചു. സ്റ്റേറ്റ് ക്രിട്ടിക്കല്‍ കെയര്‍ ഗൈഡ്‌ലൈന്‍സ് കോഓഡിനേറ്റര്‍ കൂടിയായ ഡോ. അനിലിന്റെ കോവിഡ് കാലത്തെ സേവനം കണക്കിലെടുത്താണ് പുരസ്‌ക്കാരം. റോട്ടറി ടെക്‌നോപാര്ക് പ്രസിഡന്റ് ഹരീഷ് മോഹന്‍, സെക്രട്ടറി മനു മാധവന്‍, പബ്ലിക് റിലേഷന്‍ ചെയര്‍മാന്‍ ഷാജു രവീന്ദ്രന്‍, അസിസ്റ്റന്റ് ഗവര്‍ണര്‍ ശ്യാം പെരേര എന്നിവര്‍ പങ്കെടുത്തു.
