അമൃത്സര്‍ : ക്രിക്കറ്റ് താരം ഹര്‍ഭജന്‍ സിങ് രാഷ്ട്രീയത്തിലേയ്‌ക്കെന്ന് റിപ്പോര്‍ട്ട്. ഹര്‍ഭജന്‍ കോണ്‍ഗ്രസില്‍ ചേരാനുള്ള തീരുമാനത്തിലേയ്ക്ക് എത്തിക്കൊണ്ടിരിക്കുന്നതായി അദ്ദേഹത്തിന്റെ അടുത്ത വൃത്തങ്ങളെ ഉദ്ധരിച്ച് ‘ഇന്ത്യ ടുഡെ’യാണ് റിപ്പോര്‍ട്ട് ചെയ്തിരിക്കുന്നത്.
വരുന്ന വര്‍ഷം ആദ്യം നടക്കാനിരിക്കുന്ന നിയമസഭാ തെരഞ്ഞെടുപ്പില്‍ ജലന്ധറിലെ കോണ്‍ഗ്രസ് സ്ഥാനാര്‍ത്ഥിയായി ഭാജി മത്സരിച്ചേക്കുമെന്നും രാഷ്ട്രീയ പ്രവേശത്തിന് മുന്നോടിയായി ഹര്‍ഭജന്‍ കോണ്‍ഗ്രസ് നേതാക്കളുമായി ബന്ധപ്പെട്ടുവരികയാണെന്നും റിപ്പോര്‍ട്ടില്‍ പറയുന്നു. അതേസമയം, താരം ഇതേക്കുറിച്ച് ഇനിയും പ്രതികരിച്ചിട്ടില്ല.
