ആമിര്‍ ഖാന്‍ നായകനാകുന്ന ദങ്കല്‍ ക്രിസ്തുമസ് റിലീസായി തിയേറ്ററുകളില്‍ എത്തുകയാണ്. ചിത്രത്തിലെ ആമിറിന്റെ മേക്ക് ഒാവര്‍ വീഡിയോ എത്തിയതോടെ ബോളിവുഡ് ഒന്നടങ്കം ചിത്രത്തിനായി അക്ഷമരായി കാത്തിരിക്കുകയാണ്. ഇപ്പോഴിതാ ഇന്ത്യന്‍ ഗുസ്തി താരങ്ങളായ ഗീത ഭോഗട്ടും ബബിത കുമാരിയുമായി സ്‌ക്രീനിലെത്തുന്ന നാല് പെണ്‍കുട്ടികളും സിനിമയ്ക്കു വേണ്ടി നടത്തിയ തയ്യാറെടുപ്പുകളുടെ ഞെട്ടിക്കുന്ന വീഡിയോയും അണിയറ പ്രവര്‍ത്തകര്‍ പുറത്തുവിട്ടു.
അഞ്ച് മാസം നീണ്ട കഠിന തയ്യാറെടുപ്പുകള്‍ക്ക് ഒടുവില്‍ തികഞ്ഞ ഗുസ്തി താരങ്ങളുടെ മെയ്‌വഴക്കത്തോടെയാണ് ഇവര്‍ ഷൂട്ടിങിനെത്തുന്നത്. സംവിധായകനും അമീര്‍ ഖാനും ഇവരുടെ സമര്‍പ്പണത്തെക്കുറിച്ച് എടുത്തു പറയുന്നുണ്ട്. മാത്രമല്ല അമീറും ഇവരെ സഹായിക്കുന്നുണ്ട്.
ഗുസ്തി പരിശീലകന്‍ മഹാവീര്‍ ഭോഗട്ടായി അമീറും ഗീതയും ബബിതയുമായി ഫാത്തിമ ഷെയ്ക്കും,സാന്യ മല്‍ഹോത്രയും അഭിനയിക്കുന്നു. ക്രിസ്മസ് റിലീസായി ചിത്രം തീയേറ്ററുകളിലെത്തും.
