ജമ്മുകശ്മീര്‍ : കശ്മീരില്‍ സൈന്യം വധിച്ച ഭീകരരുടെ കൈവശം പുതിയ 2000 രൂപാ നോട്ടുകള്‍ കണ്ടെടുത്തു. സുരക്ഷാ സേനയുമായി ബന്ദിപ്പോറയിലുണ്ടായ ഏറ്റുമുട്ടലിലാണ് ഇവര്‍ കൊല്ലപ്പെട്ടത്. ലഷ്‌കര്‍ ഇ ത്വയ്ബയിലെ അംഗങ്ങളാണ് ഇവരെന്നാണ് റിപ്പോര്‍ട്ട്.
ഇന്ന് രാവിലെയാണ് ഹന്‍ജാന്‍ ഗ്രാമത്തിലെ ജനവാസ കേന്ദ്രത്തില്‍ ഏറ്റുമുട്ടല്‍ ഉണ്ടായത്. നീണ്ട ഏറ്റുമുട്ടലിന് ഒടുവിലാണ് ഭീകകരെ സുരക്ഷാ സേന വധിച്ചത്. ഭീകരരുടെ കയ്യില്‍ നിന്നും രണ്ട് എകെ 47 തോക്കുകളും കണ്ടെടുത്തിട്ടുണ്ട്.
