ദുല്‍ഖറിനെ നായകനാക്കി സത്യന്‍ അന്തിക്കാട് ഒരുക്കുന്ന ജോമോന്‌റെ സുവിശേഷങ്ങളുടെ ടീസര്‍ അണിയറപ്രവര്‍ത്തകര്‍ പുറത്തുവിട്ടിരുന്നു. ടീസര്‍ എത്തി നിമിഷങ്ങള്‍ക്കുള്ളില്‍ ലക്ഷക്കണക്കിന് ആളുകളാണ് ടീസര്‍ കണ്ടത്. ടീസറില്‍ ദുല്‍ഖര്‍ തന്നെയാണ് നിറഞ്ഞു നില്‍ക്കുന്നത്.
ചിത്രത്തില്‍ ധനികനായ ഒരു വ്യവസായിയുടെ മകന്‌റെ വേഷമാണ് ദുല്‍ഖറിന്. ദുല്‍ഖറിന്‌റെ അച്ഛനായി എത്തുന്നത് മുകേഷാണ്. അനുപമ പരമേശ്വരനും ഐശ്വര്യ രാജേഷുമാണ് നായികമമാരായി എത്തുന്നത്. ഇന്നസെന്‌റ്, വിനു മോഹന്‍, ഇര്‍ഷാദ്, മുത്തുമണി തുടങ്ങിയ വമ്പന്‍ താരനിര തന്നെ ചിത്രത്തിലുണ്ട്.
വിദ്യാ സാഗറിന്‌റേതാണ് സംഗീതം. ഫുള്‍മൂണ്‍ സിനിമയുടെ ബാനറില്‍ സേതു മണ്ണാര്‍ക്കാടാണ് ചിത്രം നിര്‍മ്മിക്കുന്നത്.
