തിരുവനന്തപുരത്ത് ശിശുക്ഷേമ സമിതിയിലെ 6 കുട്ടികളെ പനിയും ജലദോഷവും ബാധിച്ചതിനെ തുടർന്ന് ആശുപത്രിയില്‍ പ്രവേശിപ്പിച്ചതായി റിപ്പോർട്ട്. ശിശുക്ഷേമ സമിതിയിലെ അഞ്ചരമാസം പ്രായമുള്ള ഒരു കുട്ടി കഴിഞ്ഞദിവസം മരിച്ചിരുന്നു. ആശുപത്രിയില്‍ പ്രവേശിപ്പിക്കപ്പെട്ട കുട്ടികളുടെ ആരോഗ്യനില തൃപ്തികരമാണ് എന്നാണ് വിവരം. എങ്കിലും ഒരു കുട്ടി മരിച്ചതിന്റെ പശ്ചാത്തലത്തിലാണ് കുട്ടികളെ ആശുപത്രിയില്‍ പ്രവേശിപ്പിച്ചത്. ഒരു മാസത്തിനിടെ ശിശുക്ഷേമ സമിതിയിലെ രണ്ടാമത്തെ കുട്ടിയാണ് കഴിഞ്ഞ ദിവസം മരിച്ചത്. ഫെബ്രുവരി 18-നാണ് ആദ്യത്തെ കുട്ടി മരിക്കുന്നത്. കഴിഞ്ഞ ദിവസം മരിച്ച അഞ്ചരമാസം പ്രായമുള്ള കുട്ടിക്ക് ആരോഗ്യപ്രശ്‌നങ്ങൾ ഉണ്ടായിരുന്നെങ്കിലും മരണകാരണം എന്താണെന്ന് ഇപ്പോഴും വ്യക്തമല്ല.
