ആരോഗ്യരഹസ്യം വെളിപ്പെടുത്തി പ്രധാനമന്ത്രി നരേന്ദ്ര മോദി. ഉപവാസമാണ് തന്റെ ആരോഗ്യത്തിന്റെ രഹസ്യമെന്ന് മോദി വ്യക്തമാക്കി. യു.എസ് കേന്ദ്രമാക്കി പ്രവർത്തിക്കുന്ന പോഡ്കാസ്റ്ററിന് നൽകിയ അഭിമുഖത്തിലാണ് പ്രധാനമന്ത്രിയുടെ പരാമർശം. പ്രാചീന ഇന്ത്യൻ സംസ്കാരത്തിന്റെ ഭാഗമായ 4 മാസത്തെ വ്രതം എടുക്കാറുണ്ടെന്നും ജൂൺ മുതൽ ദീപാവലി വരെയുള്ള കാലയളവിലാണ് ഈ വ്രതം എടുക്കുകയെന്നും ഈ സമയത്ത് ദിവസത്തിൽ ഒരു തവണ മാത്രമായിരിക്കും ഭക്ഷണം കഴിക്കുകയെന്നും മോദി വ്യക്തമാക്കി. നവരാത്രി സമയത്ത് 9 ദിവസവും ഉപവാസത്തിലായിരിക്കും. ഈ സമയത്ത് പാനീയങ്ങൾ മാത്രമായിരിക്കും കുടിക്കുക. മറ്റുള്ളവയൊന്നും ഭക്ഷിക്കില്ലയെന്നും ഈ സമയത്ത് നല്ല രീതിയിൽ ചുടുവെള്ളം കുടിക്കുമെന്നും അദ്ദേഹം വ്യക്തമാക്കി. മാർച്ച്-ഏപ്രിൽ എന്നീ മാസങ്ങളിൽ ചൈത്ര നവരാത്രി വ്രതവും താൻ എടുക്കും. ഈ സമയത്ത് 9 ദിവസത്തേക്ക് ഒരേതരത്തിലുള്ള പഴം മാത്രമായിരിക്കും അതിനായി പപ്പായയാണ് കഴിക്കുക. 9 ദിവസവും താൻ പപ്പായ മാത്രമായിരിക്കും കഴിക്കുകയെന്ന് മോദി കൂട്ടിച്ചേർത്തു. ഉപവാസത്തിലിരിക്കുന്ന സമയത്ത് മണം, സ്പർശനം, രുചി തുടങ്ങിയവ മികച്ച രീതിയിൽ അനുഭവപ്പെടും. ഉപവാസം ശരീരത്തെ ക്ഷീണിപ്പിക്കില്ലെന്നും കൂടുതൽ കരുത്തരാക്കുകയാണ് ചെയ്യുകയെന്നും ഉപവാസം ഭക്ഷണം ഒഴിവാക്കുക എന്നത് മാത്രമല്ല, മാനസികമായി കരുത്ത് നേടാനുള്ള അവസരം കൂടിയാണെന്നും മോദി ചൂണ്ടിക്കാട്ടി.
