വ​വ്വാ​ലു​ക​ളു​ടെ പ്ര​ജ​ന​ന കാ​ല​മാകുന്നതോ​ടെ വ​ട​ക്ക​ൻ ജി​ല്ല​ക​ളി​ൽ തു​ട​ർ​ച്ച​യാ​യി നി​പ റി​പ്പോ​ർ​ട്ട് ചെ​യ്യ​പ്പെന്നു

വ​വ്വാ​ലു​ക​ളു​ടെ പ്ര​ജ​ന​ന കാ​ല​മാകുന്നതോ​ടെ വ​ട​ക്ക​ൻ ജി​ല്ല​ക​ളി​ൽ തു​ട​ർ​ച്ച​യാ​യി നി​പ റി​പ്പോ​ർ​ട്ട് ചെ​യ്യ​പ്പെ​ടു​ന്ന സാ​ഹ​ച​ര്യ​ത്തി​ൽ മു​ൻ​ക​രു​ത​ൽ ന​ട​പ​ടി​ക​ളു​മാ​യി കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ നി​പ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട്. ഇ​തി​ൻറെ ഭാ​ഗ​മാ​യി സം​സ്ഥാ​ന​ത്ത് നി​പ ഹോ​ട്ട് സ്പോ​ട്ടാ​യി നി​ർ​ണ​യി​ക്ക​പ്പെ​ട്ട കോഴിക്കോട്, വയനാട്, മലപ്പുറം, എറണാകുളം, ഇടുക്കി എന്നി അ​ഞ്ച് ജി​ല്ല​ക​ളി​ൽ ബോ​ധ​വ​ത്ക​ര​ണ​ത്തി​ന് ന​ട​പ​ടി​ക​ൾ സ്വീ​ക​രി​ച്ചു​തു​ട​ങ്ങി​യ​താ​യി നി​പ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട് നോ​ഡ​ൽ ഓ​ഫി​സ​ർ ഡോ. ​ടി.​എ​സ്. അ​നീ​ഷ് വ്യക്തമാക്കി.സം​സ്ഥാ​ന​ത്ത് ആ​റു​ത​വ​ണ വ​വ്വാ​ലു​ക​ളി​ൽ നി​ന്ന് നി​പ വൈ​റ​സ് മ​നു​ഷ്യ​രി​ലേ​ക്ക് പ​ക​ർ​ന്ന​പ്പോ​ൾ ഇതിൽ ര​ണ്ടു ത​വ​ണ​യാ​ണ് മ​നു​ഷ്യ​രി​ൽ നി​ന്ന് മ​നു​ഷ്യ​രി​ലേ​ക്ക് നി​പ ഔ​ട്ട്ബ്രൈ​ക്ക്ഉ​ണ്ടാ​യ​ത്. മ​നു​ഷ്യ​രി​ൽ നി​ന്ന് മ​നു​ഷ്യ​രി​ലേ​ക്ക് രോ​ഗം വ്യാ​പ​നം ഉ​ണ്ടാ​യി​രു​ന്നി​ല്ല. മേ​യ് മു​ത​ൽ സെ​പ്റ്റം​ബ​ർ വ​രെ​യാ​ണ് കേ​ര​ള​ത്തി​ൽ നി​പ സാ​ധ്യ​താ കാ​ല​മാ​യി പ​രി​ഗ​ണി​ക്കു​ന്ന​ത്. സം​സ്​ഥാ​ന​ത്ത് 2018 മു​ത​ൽ 2024 വ​രെ ആ​റു ത​വ​ണ​യാ​യി 33 പേ​ർ​ക്ക് രോ​ഗം സ്ഥി​രീ​ക​രി​ച്ചു. ഇ​തി​ൽ 88 ശ​ത​മാ​ന​വും കോ​ഴി​ക്കോ​ട് ജി​ല്ല​യി​ലാ​യി​രു​ന്ന​തി​നാ​ൽ നി​പ പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ ജി​ല്ല ഏ​റെ പ്ര​ധാ​ന്യ​മ​ർ​ഹി​ക്കു​ന്നു​ണ്ടെ​ന്നും ഡോ ​അ​നീ​ഷ് വ്യക്തമാക്കി.