മഹാരാഷ്ട്രയിലെ പുന്നെയിൽ ഗില്ലൻ ബാരെ സിൻഡ്രോം ബാധിച്ച് ഒരു മരണം കൂടി റിപ്പോർട്ട് ചെയ്തു. 37കാരനായ യുവാവാണ് മരിച്ചത്. ഇദ്ദേഹം അപൂർവ നാഡീസംബന്ധിയായ അസുഖം കാരണം ചികിത്സയിലായിരുന്നു. ഇതോടെ ഈ അസുഖം ബാധിച്ച് മരിച്ചവരുടെ എണ്ണം ഏഴായി. 167 പേരാണ് ഈ രോഗം ബാധിച്ച് ചികിത്സയിൽ കഴിയുന്നത്. ശരീരത്തിന്‍റെ രോഗ പ്രതിരോധശേഷിയെ താളംതെറ്റിക്കുകയാണ് ഗില്ലിൻ-ബാരെ സിൻഡ്രോം ചെയ്യുന്നത്. ശ്വാസകോശത്തിലോ ദഹനനാളത്തിലോ അണുബാധയോടെയാണ് ഈ രോഗത്തിന്‍റെ ആരംഭം. പേശി ബലഹീനത, പനി, വയറിളക്കം, വയറുവേദന, ക്ഷീണം, കൈ കാൽ മരവിപ്പ് തുടങ്ങിയ ലക്ഷണങ്ങൾ കണ്ടേക്കാം. ഗുരുതരമായവരിൽ പക്ഷാഘാതം വരെ സംഭവിക്കാനും സാധ്യതയുണ്ട്. ആർക്കും എപ്പോള്‍ വേണമെങ്കിലും ഈ രോഗം ബാധികാം. എന്നാൽ കൂടുതലും മുതിർന്നവരെയാണ് ഈ രോഗം ബാധിക്കുന്നത്.
