ആരോഗ്യരംഗത്തെ മിഥ്യാധാരണകളെ തിരുത്തുന്നതിനും അബദ്ധജടിലമായ പ്രവണതകൾക്കെതിരെ ശബ്ദമുയർത്തുന്നതിനും ലക്ഷ്യം വെച്ച് കേരളത്തിലെ സർക്കാർ ഡോക്ടർമാരുടെ സംഘടനയായ കേരളാ ഗവൺമെൻ്റ് മെഡിക്കൽ ഓഫീസേഴ്സ് അസോസിയേഷൻ (കെ.ജി എം. ഒ. എ) എല്ലാവർഷവും കുട്ടികൾക്കായി നടത്തിവരാറുള്ള മെഡി ഐക്യു എന്ന ആരോഗ്യ പ്രശ്നോത്തരി ഈ വർഷവും സംഘടിപ്പിക്കാൻ ഒരുങ്ങുന്നു. മെഡി ഐക്യുവിൻ്റെ ഏഴാമത് സീസൺ പ്രാഥമിക മൽസരങ്ങൾ 2024 ഡിസംബർ 29 ന് നടക്കും. ഓരോ ജില്ലയിലെയും പ്രാഥമിക മൽസരങ്ങളിൽ വിജയിയാകുന്ന ടീമിന് 2025 ജനുവരി 18 ന് കുമരകത്തു വച്ചു നടക്കുന്ന മെഗാ ഫൈനലിൽ പങ്കെടുക്കാം. ഹൈസ്കൂൾ ക്ലാസ്സുകളിലെ കുട്ടികൾക്കായി നടത്തുന്ന മൽസരത്തിൽ ഓരോ സ്കൂളിൽ നിന്നും രണ്ടുപേരടങ്ങുന്ന ഒരു ടീമിന് പങ്കെടുക്കാം. വിജയികൾക്ക് ആകർഷകമായ ക്യാഷ് പ്രൈസുകൾ ഉണ്ടായിരിക്കുന്നതാണ്. മൽസരത്തിൽ പങ്കെടുക്കുന്നതിനുള്ള രജിസ്ടേഷൻ തികച്ചും സൗജന്യമാണ്. അപേക്ഷകൾ ഗൂഗിൾ ഫോം വഴിയാണ് സ്വീകരിക്കുക. അപേക്ഷകൾ അയക്കേണ്ട അവസാന തിയതി 2024 ഡിസംബർ 25 ആണ്.
