കോട്ടയം ജില്ലയിലെ രണ്ട് പഞ്ചായത്തുകളിൽ ആഫ്രിക്കൻ പന്നിപ്പനി സ്ഥിരീകരിച്ചു. കൂട്ടിക്കൽ, വാഴൂർ പഞ്ചായത്തുകളിലാണ് രോഗം സ്ഥിരീകരിച്ചത്. ഫാമുകളുടെ ഒരു കിലോമീറ്റർ ചുറ്റളവിൽ രോഗബാധിത പ്രദേശമായി പ്രഖ്യാപിച്ചിട്ടുണ്ട്.രോഗബാധിത പ്രദേശങ്ങളിൽനിന്നുള്ള പ ന്നിമാംസ വിതരണവും വിൽപനയും, പന്നിമാംസം, പന്നികൾക്കുള്ളതീറ്റ എന്നിവയുടെ കൈമാറ്റവും നിരോധിച്ചു. പത്ത് കിലോമീറ്റർ ചുറ്റളവിൽ പരിശോധനകളും നിരീക്ഷണവും നടത്തുമെന്ന് അധികൃതർ വ്യക്തമാക്കി. മുണ്ടക്കയം, പാറത്തോട്, പൂഞ്ഞാർ തെക്കേക്കര, എലിക്കുളം, ചിറക്കടവ്, വെള്ളാവൂർ, കങ്ങഴ, പാമ്പാടി, കൂരോപ്പട, പള്ളിക്കത്തോട് ഗ്രാമപഞ്ചായത്തുകൾ നിരീക്ഷണ മേഖലയിൽ ഉൾപ്പെടും. പന്നിപ്പനി സ്ഥിരീകരിച്ച പന്നിഫാമിലെയും അതിൻറെ ഒരു കിലോമീറ്റർ ചുറ്റളവിലുള്ള പ്രദേശത്തെയും എല്ലാ പന്നികളെയും കേന്ദ്രസർക്കാർ മാനദണ്ഡപ്രകാരം കൊന്ന് സംസ്‌കരിക്കും. ഇതിന് ജില്ല മൃഗസംരക്ഷണ ഓഫിസറെ ചുമതലപ്പെടുത്തി.
