കൊവിഡ് പ്രതിരോധ വാക്‌സിന്‍ കൈകാര്യം ചെയ്തതിനെക്കുറിച്ച് അന്വേഷണം വേണമെന്ന് പ്രധാനമന്ത്രിയോട് അഭ്യര്‍ത്ഥിച്ച് സംസ്ഥാന സര്‍ക്കാരിന്റെ ഡല്‍ഹിയിലെ പ്രത്യേക പ്രതിനിധി പ്രൊഫ. കെ.വി തോമസ്. തന്റെ ഭാര്യ ഷേര്‍ലിയുടെ കിഡ്‌നിയും ഹൃദയവും കോവിഡ് വാക്‌സിനെടുത്ത ശേഷം തകരാറിലായെന്നും പിന്നീട് അവര്‍ മരണമടഞ്ഞതായും, ഇതുപോലെ പതിനായിരക്കണക്കിന് ആളുകള്‍ ഇന് വേദന അനുഭവിക്കുന്നതായും അദ്ദേഹം പ്രധാനമന്ത്രിയെ അറിയിച്ചു. ഈ സാഹചര്യത്തിലാണ് കോവിഡ് മഹാമാരിയെയും പ്രതിരോധ വാക്‌സിന്‍ കൈകാര്യം ചെയ്തതിനെ കുറിച്ചും സമഗ്ര അന്വേഷണം നടത്തണമെന്ന് അദ്ദേഹം പ്രധാനമന്ത്രിയോട് അഭ്യര്‍ത്ഥിച്ചത്.
