ആലപ്പുഴ മെഡിക്കൽ കോളജ് ആശുപത്രിയിൽ ചികിത്സാപ്പിഴവ് തുടരുന്ന് എന്ന ആരോപണത്തിന് പിന്നാലെ പ്രതിഷേധം ഉയരുന്നു. ഒരുമാസത്തിനിടെ രണ്ട് മരണങ്ങൾക്കിടയാക്കിയത് ചികിത്സയിലെ പിഴവും അനാസ്ഥയുമാണെന്ന ആരോപണമുയരുകയാണ്. ഓരോ വീഴ്ചയുണ്ടാകുമ്പോഴും ആഭ്യന്തര അന്വേഷണവും സർക്കാർതലത്തിലുള്ള അന്വേഷണവും നടക്കാറുണ്ട്. റിപ്പോർട്ടുകൾ ആരോഗ്യവകുപ്പിലോ ആരോഗ്യവിദ്യാഭ്യാസ ഡയറക്ടർ ഓഫീസിലോ എത്തുന്നതല്ലാതെ ആർക്കുമെതിരേ നടപടിയുണ്ടാകാറില്ല. പുറക്കാട് നാലാം വാർഡ് തൈവേലിക്കകം വീട്ടിൽ അൻസറിൻറെ ഭാര്യ ഷിബിന, പുന്നപ്ര അഞ്ചിൽ അബ്ദുൽഖാദറിൻറെ ഭാര്യ ഉമൈബ എന്നിവരാണ് അടുത്തിടെ ആലപ്പുഴ മെഡിക്കൽ കോളജ് ആശുപത്രിയിൽ മരിച്ചത്. ഇരുവരുടെയും മരങ്ങൾ ചികിത്സാപിഴവാണെന്നു ആരോപിച്ച് പ്രതിഷേദഹനങ്ങൾ ഉയർന്നിരുന്നു. സംഭവത്തിൽ സമഗ്ര അന്വേഷണം വേണമെന്ന് എച്ച്. സലാം എം.എൽ.എ ആരോഗ്യ മന്ത്രിക്ക് കത്ത് നൽകി.
