എറണാകുളം ജില്ലയിൽ വേങ്ങൂർ പഞ്ചായത്തിൽ പടർന്നുപിടിച്ച ഹെപ്പറ്റൈറ്റിസ് എ രോഗബാധയെ തുടർന്ന് ജില്ലാ കളക്ടർ എൻ. എസ്. കെ. ഉമേഷ് പഞ്ചായത്തിൽ സന്ദർശനം നടത്തി. വേങ്ങൂർ പഞ്ചായത്തിലെ മഞ്ഞപ്പിത്ത രോഗബാധിതരുടെ വിശദാംശങ്ങൾ അടിയന്തരമായി ശേഖരിച്ച് റിപ്പോർട്ട് നൽകുവാൻ ജില്ലാ കളക്ടർ കുന്നത്തുനാട് തഹസിൽദാരെ ചുമതലപ്പെടുത്തി. മഞ്ഞപ്പിത്തത്തെ തുടർന്ന് അന്തരിച്ച വക്കുവള്ളി വാർഡിലെ ജോളി രാജുവിന്റെ കുടുംബാംഗങ്ങളെ ജില്ലാ കളക്ടർ സന്ദർശിച്ചു. ആരോഗ്യവകുപ്പുമായും വാട്ടർ അതോറിറ്റിയുമായും ചർച്ച നടത്തി സ്ഥിതിഗതികൾ വിലയിരുത്തി.
