വളർത്തു നായ്ക്കൾ മുഖത്ത് നക്കുന്നത് ശാരീരികാരോഗ്യത്തിന് നല്ലതല്ല എന്ന് പഠന റിപ്പോർട്ട്. ദി കോൺവേർസേഷൻ വെബ്സൈറ്റിലാണ് പഠനം പ്രസിദ്ധീകരിച്ചിരിക്കുന്നത്. ആനിമൽ സയൻസ് വിഭാഗം ഡോക്ടറായ ജാക്വിലിൻ ബോയ്ഡ് ആണ് പഠനം നടത്തിയത്. നായ്ക്കളുടെ തുപ്പലുമായി സമ്പർക്കത്തിലേർപ്പെടുക വഴി അവയുടെ വായിൽ കാണപ്പെടുന്ന കാപ്നോസൈറ്റോഫോഗ കാനിമോർസസ് എന്ന ബാക്ടീരിയ ജീവനുവരെ ഭീഷണിയാകുന്ന തീവ്ര അണുബാധയ്ക്ക് കാരണമാകാം. പേസ്റ്റ്യുറെല്ലല മൾടോസിഡ എന്ന സൂക്ഷ്മാണു മെനിഞ്ചൈറ്റിസ് പോലുള്ള ഗുരുതര ആരോഗ്യാവസ്ഥയിലേക്കും നയിക്കാം. മൃഗങ്ങളുമായുള്ള ആത്മബന്ധം മനുഷ്യരിൽ പലവിധ മാനസികപ്രശ്നങ്ങളെ അതിജീവിക്കാൻ സഹായിക്കുന്നുണ്ടെന്ന് പലപഠനങ്ങളും വ്യക്തമാക്കിയിട്ടുണ്ട്. എന്നാൽ അവ മുഖത്തും വായിലും നക്കുന്നതുപോലുള്ളവ പ്രോത്സാഹിപ്പിക്കാതിരിക്കുകയാണ് നല്ലതെന്നാണ് വിദഗ്ധരുടെ അഭിപ്രായം.
