ഇറിറ്റബിള്‍ ബവല്‍ സിന്‍ഡ്രോം പോലെ വയറിനെയും കുടലിനെയും ബാധിക്കുന്ന രോഗങ്ങളും മൈഗ്രൈനും തമ്മിൽ ബന്ധമുണ്ട് എന്ന് പഠനം. കൊറിയയിലെ സിയോള്‍ നാഷണല്‍ യൂണിവേഴ്‌സിറ്റി കോളജ് ഓഫ്‌ മെഡിസിനിലെ ഗവേഷകരാണ് പഠനം നടത്തിയത്. 10 ദശലക്ഷം പേരുടെ ഡാറ്റ ഉപയോഗിച്ചാണ് പഠനം നടത്തിയത്. മൈഗ്രേയ്‌ന്‍ ഇല്ലാത്തവരെ അപേക്ഷിച്ച്‌ മൈഗ്രെയ്‌ന്‍ ഉള്ളവരില്‍ ഇറിറ്റബിള്‍ ബവല്‍ സിന്‍ഡ്രോം ഉണ്ടാകാനുള്ള സാധ്യത കൂടുതലായി ഗവേഷകര്‍ പഠനത്തിൽ നിരീക്ഷിച്ചു. മൈഗ്രെയ്‌ന്‍ സെറോടോണിന്‍ ഹോര്‍മോണുമായി ബന്ധപ്പെട്ടിരിക്കുന്നതിനാല്‍ ഇതിന്റെ ഗ്യാസ്‌ട്രോ ഇന്റസ്‌റ്റൈനല്‍ ട്രാക്ടിലേക്കും വയറിലേക്കും കുടലിലേക്കുമുള്ള നീക്കമാകാം ഐബിഎസിലേക്ക്‌ നയിക്കുന്നതെന്ന്‌ ഗവേഷകര്‍ അനുമാനിക്കുന്നു. സയന്റിഫിക്‌ റിപ്പോര്‍ട്ട്‌സ്‌ ജേണലിലാണ്‌ ഗവേഷണഫലം പ്രസിദ്ധീകരിച്ചത്‌.
