ഡോ. ഷഹനയുടെ മരണത്തില്‍ അറസ്റ്റിലായ ഡോ. റുവൈസിന് ഹൈക്കോടതി ജാമ്യം അനുവദിച്ചു. റുവൈസിന്റെ പഠനം ചൂണ്ടിക്കാട്ടിയാണ് ജസ്റ്റിസ് ഗോപിനാഥിന്റെ ബെഞ്ച് ജാമ്യം അനുവദിച്ചത്. മിടുക്കനായ വിദ്യാര്‍ഥിയാണ് റുവൈസ്, ഇയാള്‍ എം.ബി.ബി.എസിനും പി.ജി എന്‍ട്രസിനും റാങ്ക് നേടിയിയിട്ടുണ്ട് എന്നും റുവൈസിന്റെ മുന്നോട്ടുള്ള പഠനത്തിന് തടസ്സമാകുന്ന സാഹചര്യത്തില്‍ ജാമ്യം നല്‍കണമെന്നുമായിരുന്നു അഭിഭാഷകന്‍ കോടതിയില്‍ വാദിച്ചത്.ഇതേതുടര്‍ന്നാണ് റുവൈസിനു കോടതി ജാമ്യം അനുവദിച്ചത്. അതേസമയം റുവൈസിന്റെ സസ്പെന്‍ഷന്‍ പിന്‍വലിക്കുന്ന കാര്യത്തില്‍ ആരോഗ്യവകുപ്പുമായി കൂടിയാലോചിച്ച് അച്ചടക്ക സമിതിക്ക് തീരുമാനമെടുക്കാമെന്ന് കോടതി വ്യക്തമാക്കി. സസ്പെന്‍ഷന്‍ പിന്‍വലിക്കുന്നതിന് ജാമ്യം കാരണമല്ലെന്നും കോടതി കൂട്ടിച്ചേര്‍ത്തു. അതേസമയം റുവൈസിനെതിരായ ആരോപണങ്ങള്‍ ഗുരുതരമാണെന്ന് കോടതി നിരീക്ഷിച്ചു.
