ശസ്ത്രക്രിയയ്ക്കിടെ ഹര്‍ഷീനയുടെ വയറ്റില്‍ കത്രിക കുടുങ്ങിയ സംഭവത്തില്‍ മനുഷ്യാവകാശ കമ്മിഷന്‍ ആക്ടിങ് അധ്യക്ഷന്‍ ബൈജു നാഥ് ആരോഗ്യ വകുപ്പ് പ്രിന്‍സിപ്പല്‍ സെക്രട്ടറിയോട് റിപ്പോര്‍ട്ട് തേടി. അതേസമയം, മെഡിക്കല്‍ ബോര്‍ഡ് തീരുമാനത്തിനെതിരെ പൊലീസ് അപ്പീല്‍ പോകില്ലന്ന് അറിയിച്ചിട്ടുണ്ട്. പകരം അന്വേഷണം നടത്തി കുറ്റപത്രം സമര്‍പ്പിക്കും. ഗവണ്മെന്റ് ഡോക്ടേര്‍സ് ആയതിനാല്‍ കുറ്റപത്രം സമര്‍പ്പിക്കാന്‍ പ്രൊസിക്യൂഷന്‍ അനുമതി വാങ്ങണം എന്നും പൊലീസ് അറിയിച്ചു. സെപ്റ്റംബര്‍ 29 ന് നടക്കുന്ന അടുത്ത സിറ്റിങ്ങില്‍ കേസ് വീണ്ടും പരിഗണിക്കും.
