സംസ്ഥാനത്ത് പലയിടത്തും ചൂട് 40 ഡിഗ്രിയോളം രേഖപ്പെടുത്തി. ആകാശം തെളിഞ്ഞതോടെ യുവി രശ്മികളുടെ തീവ്രതയും കൂടിത്തുടങ്ങിയതായാണ് റിപ്പോര്‍ട്ടുകള്‍. അടുത്തമാസം മഴ ലഭിച്ചില്ലെങ്കില്‍ കേരളം കടുത്ത വരള്‍ച്ചയിലേക്ക് പോകുമെന്നു കാലാവസ്ഥാ നിരീക്ഷകര്‍ മുന്നറിയിപ്പ് നല്‍കുന്നു. നിലവില്‍ ഇടുക്കിയിലാണ് ഈ വര്‍ഷം തീരെക്കുറവ് മഴ രേഖപ്പെടുത്തിയത്. . വയനാട്, പാലക്കാട്, കോട്ടയം, തൃശൂര്‍, കോഴിക്കോട് ജില്ലകളില്‍ 50% ലധികമാണ് മഴക്കുറവ്. സംസ്ഥാനത്ത് ഈ മാസം ഏതാണ്ട് 10% മഴ മാത്രമാണ് കിട്ടിയത്.
