അമേരിക്കയില്‍ നഴ്‌സിംഗ് അസിസ്റ്റന്റ് ജോലി വാഗ്ദാനം ചെയ്ത് കൊല്ലത്ത് 37 ഉദ്യോഗാര്‍ത്ഥികളില്‍ നിന്ന് ലക്ഷങ്ങള്‍ തട്ടിയതായി പരാതി. വ്യാജ കോഴ്‌സ് നടത്തി കബളിപ്പിച്ചെന്നാണ് പരാതി. കൊല്ലം ചവറയില്‍ നടന്ന സംഭവത്തില്‍ സെക്രട്ടേറിയറ്റ് മുന്‍ ജീവനക്കാരന്‍ ജയിംസ് രാജ്, ജോസഫ് ഡാനിയേല്‍ എന്നിവര്‍ക്കെതിരെ കേസെടുത്തു. അമേരിക്കയിലെ ഒരു സര്‍വകലാശാല നടത്തുന്ന നാലാഴ്ചത്തെ ഓണ്‍ലൈന്‍ കോഴ്‌സില്‍ പങ്കെടുക്കുന്നവര്‍ക്ക് ജോലി ഉറപ്പെന്നായിരുന്നു വാഗ്ദാനം. 2022 ജനുവരിയിലായിരുന്നു തട്ടിപ്പിന്റെ തുടക്കം.
