രാത്രിയിൽ ഗാർഹികപീഡനം നടക്കുകയും, വിവാഹം ചെയ്തയച്ച വീട്ടിൽനിന്നും പുറത്താക്കുകയും ചെയ്താൽ പരാതിക്കാരിയായ സ്ത്രീകൾക്ക് എന്ത് ചെയ്യുവാൻ സാധിക്കും?
ഗാർഹിക അതിക്രമവുമായി ബന്ധപ്പെട്ട സംഭവം ഉണ്ടായാൽ അതിനിരയായ സ്ത്രീക്കോ, ബന്ധമുള്ള മറ്റുള്ളവർക്കോ പോലീസ്റ്റേഷൻ/ മജിസ്ട്രേറ്റ്/ സംരക്ഷണ ഉദ്യോഗസ്ഥൻ എന്നിവരെ ടെലിഫോണിലൂടെ വിവരം അറിയിക്കാവുന്നതാണ്.
തന്റെ പ്രദേശത്ത് സംരക്ഷണ ഉദ്യോഗസ്ഥർ നിലവിൽ ഇല്ലെങ്കിൽ ഗാർഹിക പീഡനത്തിന് ഇരയായ സ്ത്രീക്ക് എന്തു ചെയ്യുവാൻ സാധിക്കും?
പരാതിക്കാരിക്ക് പോലീസിന് സമീപിച്ച് FIR രേഖപ്പെടുത്താവുന്നതാണ്. ഏതെങ്കിലും തരത്തിലുള്ള ബുദ്ധിമുട്ട് ഉണ്ടെങ്കിൽ സ്ഥലത്തെ മജിസ്ട്രേട്ടിനെ നേരിട്ട് സമീപിക്കാവുന്നതാണ്.
ഗാർഹിക പീഡന നിരോധന നിയമ പ്രകാരം സ്ത്രീ നൽകുന്ന പരാതിയിൽ മജിസ്ട്രേറ്റ് എത്ര ദിവസത്തിനുള്ളിൽ തീർപ്പുകൽപ്പിച്ചിരിക്കണം?
ആദ്യവാദം കേൾക്കുന്ന തീയതിമുതൽ 60 ദിവസത്തിനുള്ളിൽ തീർപ്പുകൽപ്പിക്കണം.
കോഴിക്കോട് ജില്ലയിലെ ഫാമിലി കോടതിയിൽ നിലവിലുള്ള കേസ് കൊല്ലം ജില്ലയിലേക്ക് മാറ്റുവാൻ സാധിക്കുമോ?
സിവിൽ നടപടി ക്രമം സെക്ഷൻ 24 പ്രകാരം ഹൈക്കോടതിയിൽ ട്രാൻസ്ഫർ ഹർജി സമർപ്പിച്ചാൽ, ന്യായമായ കാരണങ്ങളാണെങ്കിൽ ഒരു ജില്ലയിലെ കുടുംബ കോടതിയിൽ നിന്നും കേസ്, കക്ഷിക്കോ/ കക്ഷികൾക്കോ അനുയോജ്യമായ മറ്റൊരു ജില്ലയിലെ കുടുംബ കോടതിയിലേക്ക് മാറ്റി തരുവാൻ കോടതിക്ക് അധികാരമുണ്ട്.
