തിരുവനന്തപുരം: പൊതുവിദ്യാഭ്യാസ വകുപ്പിന് കീഴില്‍ വഴുതക്കാട് പ്രവര്‍ത്തിക്കുന്ന കാഴ്ച പരിമിതര്‍ക്കുള്ള സര്‍ക്കാര്‍ സ്‌കൂളിലേയ്ക്ക് പ്രവേശനത്തിന് അപേക്ഷിക്കാം. ഒന്നു മുതല്‍ ഏഴുവരെ ക്ലാസ്സുകളിലേയ്ക്കാണ് പ്രവേശനം.
പ്രവേശനം നേടുന്ന ആണ്‍കുട്ടികള്‍ക്കും പെണ്‍കുട്ടികള്‍ക്കും ഭക്ഷണം അടക്കമുള്ള പ്രത്യേക ഹോസ്റ്റല്‍ സൗകര്യം ലഭ്യമാണ്. കൂടാതെ കുട്ടികളെ പരിചരിക്കുന്നതിന് പ്രത്യേക പരിശീലനം ലഭിച്ച ജീവനക്കാരുടെ സേവനവും ലഭിക്കും. പൊതുവിദ്യാഭ്യാസത്തിനൊപ്പം കലാ-കായിക മേഖലയിലും പരിശീലനം നല്‍കും. കൂടുതല്‍ വിവരങ്ങള്‍ക്ക് ഫോണ്‍: 0471-2328184, 8547326805
