ശ്രീനഗര്‍ : ജമ്മു കശ്മീര്‍ വിഘടനവാദി നേതാവ് യാസിന്‍ മാലിക് പോലീസ് കസ്റ്റഡിയില്‍. വെള്ളിയാഴ്ച അര്‍ധരാത്രിയോയൊണ് ജമ്മു സശ്മീര്‍ ലിബറേഷന്‍ ഫ്രണ്ട് നേതാവ് യാസിന്‍ മാലിക് കസ്റ്റഡിയിലായത്. ജമ്മുകശ്മീരിലെ സ്ഥിര താമസക്കാര്‍ക്ക് മാത്രമേ സ്വത്തില്‍ അവകാശമുള്ളൂ എന്ന് വ്യക്തമാക്കുന്ന ആര്‍ട്ടിക്കിള്‍ 35 എ എടുത്തുകളയണം എന്ന കേസ് സുപ്രീംകോടതി പരിഗണിക്കാന്‍ ഇരിക്കെയാണ് യാസിന്‍ മാലികിനെ കസ്റ്റഡിയില്‍ എടുത്തിരിക്കുന്നത്. മൈസുമയിലെ വീട്ടില്‍ നിന്നും അറസ്റ്റു ചെയ്യപ്പെട്ട മാലികിനെ കോത്തിബാഗ് പോലീസ് സ്‌റ്റേഷനിലേയ്ക്ക് കൊണ്ടുപോയി.
പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ ജമ്മുകശ്മീരിലെ വിഘടനവാദികള്‍ക്കുള്ള സുരക്ഷ ഇന്ത്യ നേരത്തെ തന്നെ എടുത്തുകളഞ്ഞിരുന്നു.
