അനുരാഗ് കശ്യപ് ചിത്രത്തിലൂടെ മഞ്ജു വാര്യര്‍ ബോളിവുഡിലെത്തുന്നു. മഞ്ജു തന്നെയാണ് ഇക്കാര്യത്തില്‍ സൂചനകള്‍ നല്‍കി ഫേസ്ബുക്ക് പോസ്റ്റിട്ടത്. ലിജോ ജോസ് പല്ലിശ്ശേരി സംവിധാനം ചെയ്ത അങ്കമാലി ഡയറീസിന്റെ പ്രത്യേക ഷോ കാണാനായി അനുരാഗ് കശ്യപ് എത്തിയിരുന്നു. മഞ്ജു വാര്യരും ചിത്രം കാണാനുണ്ടായിരുന്നു. തുടര്‍ന്ന് ഇരുവരും കൂടിക്കാഴ്ച നടത്തി. കശ്യപിന്റെ ചിത്രത്തില്‍ തനിക്കൊരു വേഷം ഒരുങ്ങുന്നതിന്റെ സൂചന ഏറെ ആവേശഭരിതയാക്കുന്നുവെന്നും ആ സിനിമക്കായി കാത്തിരിക്കുന്നുവെന്നും മഞ്ജു ഫേസ്ബുക്കില്‍ കുറിച്ചു.
