ശബരിമല : ശബരിമലയിലെ കൊക്കൊക്കോള വിതരണം ചെയ്യുന്നത് തടഞ്ഞുകൊണ്ട് ഭക്ഷ്യ സുരക്ഷാ വിഭാഗം ഉത്തരവിട്ടു. സുരക്ഷാ മാനദണ്ഡങ്ങള്‍ പാലിക്കുന്നില്ലെന്ന് ചൂണ്ടിക്കാട്ടിയാണ് നടപടി. ഭക്ഷ്യസുരക്ഷാ വിഭാഗം അസിസ്റ്റന്റ് ഡയറക്ടര്‍ കെ. അജിത് കുമാറാണ് ഇതുസംബന്ധിച്ച ഉത്തരവിറക്കിയത്.
നിലയ്ക്കല്‍ മുതല്‍ സന്നിധാനം വരെ പലയിടങ്ങളിലായി വൈന്‍ഡിങ് മെഷീനിലൂടെയുള്ള കൊക്കൊകോള വിതരണമാണ് നിര്‍ത്തിച്ചത്.
ഹൈക്കോടതി ഇടപെട്ട് ശബരിമലയിലെ കുപ്പിവെള്ള കച്ചവടം പൂര്‍ണ്ണമായും നിരോധിച്ച പശ്ചാത്തലം മുതലെടുത്താണ് കൊക്കൊകോള മലകയറിയത്.
നിലയ്ക്കല്‍ മുതല്‍ സന്നിധാനം വരെയുള്ള പല ഹോട്ടലുകളിലുമായി കോള വെന്‍ഡിങ് മെഷീനുകള്‍ ഇതിനോടകം പ്രവര്‍ത്തിച്ചു തുടങ്ങിയിരുന്നു. 200 മില്ലി ലിറ്ററിന്റെ ഗ്ലാസിന് 25 രൂപ, 300 മില്ലിയുടേതിന് 35 രൂപ എന്നീ നിരക്കിലായിരുന്നു വില്‍പ്പന.
