കൊച്ചി: സി.ഐ.ടി.യു എണറാകുളം ജില്ലാ പ്രസിഡന്റ് എന്‍.കെ ഗോപിനാഥിന് കുത്തേറ്റു. ഓട്ടോറിക്ഷാ തൊഴിലാളി യൂണിയന്‍ യുബര്‍ ടാക്സി ഓഫീസിന് മുമ്പില്‍ നടത്തിയ പ്രതിഷേധ സമരം ഉദ്ഘാടനം ചെയ്ത് മടങ്ങവെയാണ് സംഭവം.
അക്രമി പിന്നില്‍നിന്ന് വടിവാളുകൊണ്ട് കുത്തുകയായിരുന്നു. കഴുത്തില്‍ കുത്തേറ്റ ഗോപിനാഥിനെ പാലാരിവട്ടം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു.കഴുത്തിലെ ഞരമ്പിന് മുറിവുള്ളതിനാല്‍ ശസ്ത്രക്രീയ വേണ്ടിവരുമെന്ന് ആശുപത്രി അധികൃതര്‍ വ്യക്തമാക്കി.
സംഭവത്തില്‍ വടകര സ്വദേശി ഉണ്ണികൃഷ്ണനെ പോലീസ് അറസ്റ്റ് ചെയ്തു. ഓട്ടോറിക്ഷാ തൊഴിലാളി യൂണിയന്‍ യുബര്‍ ടാക്സി ഓഫീസിന് മുമ്പില്‍ നടത്തിയ പ്രതിഷേധ സമരം ഉദ്ഘാടനം ചെയ്ത് മടങ്ങവെയാണ് ഗോപിനാഥ് ആക്രമണത്തിന് ഇരയായത്. ഉണ്ണികൃഷ്ണന്‍ കലൂര്‍ പോണോത്ത് റോഡിലാണ് താമസമെന്ന് പോലീസ് പറഞ്ഞു.
