കോഴിക്കോട് ബേപ്പൂർ ആമക്കോട്ട് വയൽ അങ്കണവാടിയിൽ ഭക്ഷ്യ വിഷബാധയെന്ന് പരാതി ലഭിച്ചതായി റിപ്പോർട്ട്. ഏഴ് കുട്ടികളാണ് ചികിത്സ തേടിയിരിക്കുന്നത്. ഇന്നലെ ഉച്ച ഭക്ഷണം കഴിച്ച ശേഷം കുട്ടികളിൽ ചിലർക്കാണ് ഛർദ്ദിയും വയറിളക്കവും ഉണ്ടായത്. ഉച്ചഭക്ഷണവും റാഗിയുടെ പായസവുമായിരുന്നു കുട്ടികൾ കഴിച്ചിത്. അങ്കണവാടിയില്‍ 22 കുട്ടികളാണ് ഉണ്ടായിരുന്നത്. ഇവരിൽ എഴ് കുട്ടികള്‍ക്കാണ് ഭക്ഷ്യവിഷബാധ ഏറ്റിരിക്കുന്നത്. ഏഴ് കുട്ടികളെയും ആശുപത്രിയില്‍ പ്രവേശിപ്പിക്കുകയും തുടര്‍ന്ന് വീടുകളിലേക്ക് മാറ്റുകയും ചെയ്തു.
