ബംഗളൂരുവിൽ കാലാവസ്ഥയിലുള്ള മാറ്റം പനി, ടോൺസിലൈറ്റിസ്, ശ്വാസകോശവുമായി ബന്ധപ്പെട്ട അസുഖങ്ങൾ എന്നിവ കൂട്ടുന്നതായി റിപ്പോർട്ട്. പെട്ടന്നുള്ള കാലാവസ്ഥ മാറ്റമാണ് രോഗങ്ങൾ പടരാൻ കാരണമെന്ന് ഡോക്ടർമാർ ചൂണ്ടിക്കാട്ടുന്നു. തൊണ്ട വേദന, ജലദോഷം, ചുമ എന്നിവയും വ്യാപകമായി റിപ്പോർട്ട് ചെയ്യപ്പെടുന്നുണ്ട്. 2 ആഴ്ചയ്ക്കുള്ളിൽ കഴിഞ്ഞ വർഷത്തെ അപേക്ഷിച്ച് ബംഗളൂരുവിൽ 15 മുതൽ 20 ശതമാനം വരെയാണ് ടോൺസിലൈറ്റിസ് കേസുകൾ റിപ്പോർട്ട് ചെയ്യപ്പെട്ടത്. കുട്ടികളിലും, പ്രായമായവരിലുമാണ് കാലാവസ്ഥ മാറ്റം മൂലമുള്ള രോഗങ്ങൾ കൂടുതലായി റിപ്പോർട്ട് ചെയ്യപ്പെടുന്നത് എന്നും ആരോഗ്യ വിദഗ്ദ്ധർ അഭിപ്രായപ്പെടുന്നു.
