ഡെങ്കിപ്പനി ഭീഷണിയിൽ ഇടുക്കിയിലെ 5 പ്രദേശങ്ങൾ ഹോട് സ്പോട്ടുകളായി പ്രഖ്യാപിച്ചു. കൊതുകുജന്യ രോഗങ്ങൾ രൂക്ഷമായി പടരുന്ന സാഹചര്യം മുൻനിർത്തി ഇടുക്കി ജില്ലയിലെ അറക്കുളം ( വാർഡ് -7), പീരുമേട് (വാർഡ് -6), വണ്ടിപ്പെരിയാർ (വാർഡ് -11), കുമളി (വെള്ളാരംകുന്ന്), കരിമണ്ണൂർ (മുളപ്പുറം) എന്നിവ ഹോട്ട് സ്പോട്ടുകളായി കണ്ടെത്തി. ജില്ലയിൽ ആരോഗ്യവകുപ്പ് എല്ലാ ആഴ്ചയും നടത്തുന്ന പ്രതിവാര വെക്ടർ സ്റ്റഡി റിപ്പോർട്ട് പ്രകാരമാണ്‌ നടപടി. ഈ സഹചര്യത്തിൽ ജനങ്ങൾ ജാഗ്രത പാലിക്കണമെന്ന് ജില്ല മെഡിക്കൽ ഓഫിസർ, ജില്ല സർവയ്ലൻസ് ഓഫിസർ എന്നിവർ മുന്നറിയിപ്പ് നൽകി. കഴിഞ്ഞ ദിവസം അറക്കുളത്ത് പനി ബാധിച്ച് ചികിത്സയിലിരുന്ന ഡെയ്സി മരണപ്പെട്ടിരുന്നു. ഇവർ ഡെങ്കിപ്പനി ബാധിച്ച് ചികിത്സയിലായിരുന്നു.
