മിസൂറിയിൽ 63 കാരന്റെ വൻകുടലിന്റെ ഭിത്തിയിൽ ഒരു തകരാറുമില്ലാതെ ഈച്ചയെ കണ്ടെത്തി. മിസൂറി സർവ്വകലാശാലയിലെ ഗ്യാസ്ട്രോഎൻട്രോളജിവിഭാഗം മേധാവി മാത്യു ബെച്ച്റ്റോൾഡാണ് വിചിത്രമായ കണ്ടെത്തലിനേക്കുറിച്ച് വിശദമാക്കിയത്. മറ്റ് ബുദ്ധിമുട്ടുകളൊന്നുമില്ലാതെ സാധാരണ പരിശോധനയ്ക്കായി ആശുപത്രിയിലെത്തിയതായിരുന്നു 63 കാരൻ. ശേഷം കൊളനോ സ്കോപിക്ക് സ്കാനിംഗ് നടത്തിയപ്പോഴാണ് വൻകുടലിൽ ചത്ത അവസ്ഥയിൽ ഒരു കേടുപാടുമില്ലാതെ ഈച്ചയെ കണ്ടെത്തിയത്. വൻ കുടലിൽ ഇത്തരം അന്യ പദാർത്ഥങ്ങളെ ഒരു കേടുപാടുമില്ലാതെ കണ്ടെത്തുന്നത് അപൂർവ്വമാണെന്നാണ് വിദഗ്ധർ പറയുന്നത്. കഴിച്ച ഭക്ഷണങ്ങളിലൊന്നും തന്നെ ഈച്ചയെ കണ്ടതായ ഓർമ്മയില്ലെന്നാണ് 63കാരൻ വിശദമാക്കുന്നത്. അമേരിക്കൻ ജേണൽ ഓഫ് ഗ്യാസ്ട്രോഎൻട്രോളജിയിൽ കണ്ടെത്തലിനേക്കുറിച്ച് വിശദമാക്കിയിട്ടുണ്ട്.
