അപൂര്‍വരോഗങ്ങളുടെ രോഗനിര്‍ണയം, ചികിത്സാ, തെറാപ്പികള്‍, സാന്ത്വനപരിചരണം എന്നിവ ഉറപ്പാക്കുന്നതിന് പുതിയ പദ്ധതി പ്രഖ്യാപിച്ച് കേരള സര്‍ക്കാര്‍. പദ്ധതിക്ക് അനുയോജ്യമായ പേരു പൊതുജനത്തിന് നിര്‍ദ്ദേശിക്കാമെന്ന് ആരോഗ്യവകുപ്പ് വ്യക്തമാക്കി. പൊതുജന നിര്‍ദ്ദേശങ്ങളില്‍ നിന്ന് ഏറ്റവും അനുയോജ്യമായ ഒരു പേര് പദ്ധതിക്കായി തെരഞ്ഞെടുക്കും. ഇതിലേക്കായി എല്ലാവരുടെയും പങ്കാളിത്തം സാദരം ക്ഷണിക്കുന്നതായി ആരോഗ്യമന്ത്രി വീണ ജോര്‍ജ് വ്യക്തമാക്കി. നിങ്ങളുടെ നിര്‍ദ്ദേശങ്ങളും ഇതെപ്പറ്റിയുള്ള വിലയേറിയ അഭിപ്രായങ്ങളും 919072306310 എന്ന നമ്പറിലേക്ക് എസ്.എം.എസ് ആയോ വാട്‌സ്ആപ്പിലോ അയക്കുക.
