അനാരോഗ്യകരമായ ഭക്ഷണശൈലി പിന്തുടരുന്നത് ഹൃദ്രോഗസംബന്ധമായ പ്രശ്നങ്ങള്‍ വര്‍ധിപ്പിക്കുമെന്ന് പഠനം. Population Health Research Institute ല്‍ നിന്നുള്ള ഗവേഷകരാണ് പഠനത്തിനു പിന്നില്‍. അവശ്യ പോഷകങ്ങള്‍ അടങ്ങിയ ഭക്ഷണരീതി പിന്തുടരാതെ സ്ഥിരമായി അനാരോഗ്യകരമായ ഡയറ്റ് ശീലമാക്കിയവരില്‍ ഹൃദയ സംബന്ധമായ രോഗങ്ങള്‍ വികസിക്കാനുള്ള സാധ്യത കൂടുതലാണ് എന്നാണ് ഗവേഷകര്‍ കണ്ടെത്തിയിരിക്കുന്നത്. സംസ്‌കരിക്കാത്ത ഭക്ഷണങ്ങളും മറ്റും മിതമാക്കണമെന്നും ഗവേഷകര്‍ പറയുന്നു. യൂറോപ്യന്‍ ഹാര്‍ട്ട് ജേര്‍ണലിലാണ് ഇതുസംബന്ധിച്ച പഠനം പ്രസിദ്ധീകരിച്ചിരിക്കുന്നത്. എണ്‍പതിലധികം രാജ്യങ്ങളില്‍ നിന്നായി 2,45,000 പേരില്‍ നിന്നുള്ള വിവരങ്ങള്‍ ശേഖരിച്ച് നടത്തിയ ഗവേഷണങ്ങള്‍ക്കൊടുവിലാണ് വിലയിരുത്തല്‍.
