തൃശൂരില്‍, ഗര്‍ഭിണിയടക്കം ആറ് നഴ്സുമാരെ സ്വകാര്യ ആശുപത്രി എം.ഡി കൈയേറ്റം ചെയ്തതായി പരാതി. ഗര്‍ഭിണിയായ നഴ്സിന്റെ വയറ്റില്‍ ചവിട്ടേറ്റതായും ഒരു നഴ്സിന്റെ കഴുത്തിലും പുറത്തും മര്‍ദ്ദനമേറ്റെന്നും പരാതിയുണ്ട്. നഴ്‌സുമാര്‍ ജില്ലാ ആശുപത്രിയില്‍ ചികിത്സ തേടി. നഴ്സുമാരുടെ സംഘടനയായ യു.എന്‍.എയില്‍ അംഗമായതിന് പിന്നാലെ ആറ് നഴ്സുമാരെ ആശുപത്രിയില്‍ നിന്ന് പിരിച്ചു വിട്ടതിന്റെ പേരില്‍ നടന്ന പ്രതിഷേധങ്ങള്‍ക്കിടയിലാണ് സംഭവമെന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു.
