ചേര്‍ത്തലയില്‍ ഡെങ്കിപ്പനി ബാധിച്ച് ചികിത്സയിലായിരുന്ന എട്ടു വയസുകാരി മരിച്ചു. ചേര്‍ത്തല മരുത്തോര്‍വട്ടം ശ്രീവരാഹത്തില്‍ ലാപ്പള്ളി മഠം മനോജ് – രോഗിണി ദമ്പതികളുടെ മകള്‍ സാരംഗി ആണ് മരിച്ചത്. വെള്ളിയാകുളം ഗവ. എല്‍പി സ്‌കൂള്‍ മുന്നാം ക്ലാസ് വിദ്യാര്‍ഥിനിയാണ്. ചേര്‍ത്തല സ്വകാര്യ ആശുപത്രിയില്‍ ചികിത്സയിലായിരുന്ന സാരംഗിയെ പനി കൂടിയതിനെത്തുടര്‍ന്ന് ഞായറാഴ്ച കൊച്ചിയിലെ സ്വകാര്യ ആശുപത്രിയിലേക്ക് മാറ്റിയെങ്കിലും മരണം സംഭവിക്കുകയായിരുന്നു.
