മലപ്പുറം: മലപ്പുറം കുണ്ടൂരും തെരുവ്നായ ആക്രമണ ഭീതിയിൽ. കുട്ടികൾക്ക് നേരെ പാഞ്ഞെത്തുന്ന തെരുവുനായകളുടെ ദൃശ്യങ്ങൾ പുറത്ത്. ഇന്നലെ രാവിലെ ഏഴ് മണിക്കായിരുന്നു സംഭവം. കുണ്ടൂർ സ്വദേശിയായ കമറുദ്ദീന്റെ രണ്ട് മക്കൾ പെരുന്നാൾ നിസ്‌കാരത്തിനായി പോവുന്നതിനിടെയാണ് തെരുവുനായകൾ ആക്രമിക്കാൻ വന്നത്. രണ്ട് കുട്ടികളും രണ്ടായി പിരിഞ്ഞ് ഓടുകയായിരുന്നു. ഒരു കുട്ടി സമീപത്തെ വീട്ടിലേക്ക് ഓടിക്കയറുകയും വീട്ടുകാർ തെരുവുനായ കൂട്ടത്തെ തുരത്തി ഓടിക്കുകയുമായിരുന്നു.
