കാബൂൾ വിമാനത്താവളത്തിൽ അജ്ഞാത സായുധ സംഘം നടത്തിയ വെടിവെപ്പിൽ അഫ്ഗാന്‍ സുരക്ഷാ ഉദ്യോഗസ്ഥൻ കൊല്ലപ്പെട്ടു. ജര്‍മന്‍, അമേരിക്കന്‍ സൈനികരടക്കം മൂന്ന് പേര്‍ക്ക് പരിക്കേറ്റെന്ന് ജര്‍മന്‍ സൈന്യം വെളിപ്പെടുത്തി. സംഘര്‍ഷം ഇപ്പോഴും തുടരുകയാണെന്നാണ് റിപ്പോര്‍ട്ട്.
ഇന്ത്യ അടക്കമുള്ള രാജ്യങ്ങള്‍ പരന്മാരെ തിരിച്ചുകൊണ്ടുവരുന്ന സമയമാണിത്. കാബൂള്‍ വിമാനത്താവളം വഴിയാണ് ഒഴിപ്പിക്കല്‍. അഞ്ഞൂറോളം ഇന്ത്യക്കാർ ഇനിയും നാട്ടിലേക്ക് വരാനുണ്ടെന്നാണ് റിപ്പോർട്ടുകൾ. ഇന്നലെ രാത്രി ദോഹയിലെത്തിച്ച 146 ഇന്ത്യക്കാരെയും നാട്ടിലെത്തിച്ചു. രണ്ട് വ്യോമസേന വിമാനങ്ങൾ ഉപയോഗിച്ച് കൂടുതൽ ഇന്ത്യക്കാരെ തിരിച്ചെത്തിക്കാനാണ് ശ്രമം.
