ചെന്നൈ: തമിഴ്നാട്ടില് നാടകീയ സംഭവങ്ങള്ക്കൊടുവില്, പ്രതിപക്ഷ അംഗങ്ങളെ പുറത്താക്കിയ ശേഷം നടത്തിയ വിശ്വാസ വോട്ടെടുപ്പില് പളനി സ്വാമിക്ക് ജയം. 122 പേര് പളനി സ്വാമിക്ക് വോട്ട് ചെയ്തു. 11 വോട്ടുകള് പനീര് സെല്വത്തിന് ലഭിച്ചു. ഡിഎം.കെ അംഗങ്ങളെ ബലം പ്രയോഗിച്ച് സഭയില്നിന്ന് പുറത്താക്കിയ ശേഷം, ഭരണപക്ഷ അംഗങ്ങള് മാത്രമുള്ള സഭയില് നടത്തിയ വോട്ടെടുപ്പിലാണ് പളനി സ്വാമി സര്ക്കാര് വിശ്വാസ വോട്ട് നേടിയത്.
