ബാങ്കോങ് വനിത ഏഷ്യകപ്പ് കിരീടം ഇന്ത്യന്‍ വനിത ടീമിന്. ചിരവൈരികളായ പാകിസ്താനെ തോല്‍പ്പിച്ചാണ് ഇന്ത്യന്‍ വനിതാ ടീം കിരീടം ഉയര്‍ത്തിയത്. ഏഷ്യാകപ്പില്‍ നാലാം തവണയാണ് ഇന്ത്യ പാകിസ്താനെ തോല്‍പ്പിക്കുന്നത്.
17 റണ്‍സിനാണ് ഇന്ത്യ പാകിസ്താനെ തോല്‍പ്പിച്ചത്. ആദ്യം ബാറ്റ് ചെയ്ത ഇന്ത്യ 20 ഓവറില്‍ 121 റണ്‍സ് നേടി. മറുപടി ബാറ്റിംഗിന് ഇറങ്ങിയ പാകിസ്താന് 20 ഓവറില്‍ 104 റണ്‍സ് നേടാനെ ആയൊള്ളു.
അഞ്ച് വിക്കറ്റ് നഷ്ടത്തിലാണ് ഇന്ത്യ 121 റണ്‍സ് നേടിയത്. ഇന്ത്യന്‍ ഓപ്പണറായ മിതാലി രാജ് പുറത്താകാതെ നേടിയ 73 റണ്‍സാണ് ഇന്ത്യയ്ക്ക് ഭേദപ്പെട്ട സ്‌കോര്‍ നേടിക്കൊടുത്തത്. മിതാലി തന്നെയായിരുന്നു കളിയിലെ താരം.
