കളമശേരി സ്‌ഫോടനത്തില്‍ മരണം നാലായി. 80 ശതമാനത്തോളം പൊള്ളലേറ്റു ആശുപത്രീയില്‍ കഴിഞ്ഞിരുന്ന കളമശേരി സ്വദേശി മോളി ജോയി കൂടി മരണത്തിനു കീഴടങ്ങി. സ്‌ഫോടനം നടന്ന് ഒരാഴ്ച പിന്നിടുമ്പോള്‍ 25 പേരാണ് നിലവില്‍ ചികിത്സയിലുള്ളത്. 10 പേര്‍ ഐസിയുവില്‍ ചികിത്സയിലാണ്. അതേസമയം, കളമശ്ശേരി സ്‌ഫോടന കേസിലെ പ്രതി ഡൊമനിക് മാര്‍ട്ടിനെ 10 ദിവസതെക്ക് കസ്റ്റഡിയില്‍ ആവശ്യപ്പെട്ട് പൊലീസ് നല്‍കിയ ഹര്‍ജി എറണാകുളം ജില്ലാ സെഷന്‍സ് കോടതി ഇന്ന് പരിഗണിക്കും. കേസില്‍ കൂടുതല്‍ പ്രതികള്‍ ഉള്‍പ്പെട്ടിട്ടുണ്ടോ എന്നതടക്കമുള്ളതില്‍ വ്യക്തത വരുത്തുകയാണ് ലക്ഷ്യം.
