ചൈനയില്‍നിന്നും വിചിത്രമായ ഒരു വാര്‍ത്തയാണ് പുറത്തുവന്നിരിക്കുന്നത്. കാമുകിയെ പത്തുമിനിറ്റ് നിര്‍ത്താതെ ചുംബിച്ച യുവാവിന്റെ കേള്‍വിശക്തി നഷ്ടപ്പെട്ടതായാണ് റിപ്പോര്‍ട്ട്. ചൈനയിലെ സെജിയാങ് പ്രവിശ്യയിലാണ് സംഭവം. കാമുകിയെ തുടര്‍ച്ചയായി ചുംബിക്കുന്നതിനിടെ യുവാവിന്റെ ചെവിക്കുള്ളിലെ വായു മര്‍ദത്തില്‍ പെട്ടെന്നുണ്ടായ മാറ്റമാണ് ഇതിന് കാരണമെന്നാണ് ഡോക്ടര്‍മാരുടെ കണ്ടെത്തല്‍. പരിശോധനയില്‍ യുവാവിന്റെ ചെവിക്കല്ലില്‍ സുഷിരങ്ങളുള്ളതായി കണ്ടെത്തി. പങ്കാളിയുടെ ശാസോച്ഛ്വാസത്തിലെ വ്യതിയാനവും പരിക്കിന് കാരണമായതായാണ് വിലയിരുത്തല്‍.
