കഴിഞ്ഞ ജൂണ്‍ ഒന്നിന് പള്ളിയില്‍ കുര്‍ബാനക്കിടെ ഹൃദയാഘാതത്തെ തുടര്‍ന്ന് ചികിത്സയിലായിരുന്ന 17കാരി ആന്‍ മരിയ അന്തരിച്ചു. അതീവ ഗുരുതരാവസ്ഥയിലായ ആന്‍മരിയയെ കട്ടപ്പനയില്‍നിന്നും കൊച്ചിയിലെ ആശുപത്രിയിലെത്തിക്കാന്‍ നാട് കൈകോര്‍ത്തതും 139 കിലോമീറ്റര്‍ രണ്ടു മണിക്കൂര്‍ 39 മിനിറ്റുകൊണ്ട് പിന്നിട്ട് ആന്‍ മരിയയെ ആശുപത്രിയിലെത്തിച്ചതും വലിയ വാര്‍ത്തയായിരുന്നു. വിദഗ്ധ ഡോക്ടര്‍മാരുടെ ചികിത്സയില്‍ ആദ്യ ദിവസങ്ങളില്‍ ആരോഗ്യനിലയില്‍ നേരിയ പുരോഗതിയുണ്ടായെങ്കിലും പിന്നീട് സ്ഥിതി വഷളാവുകയും മരണം സംഭവിക്കുകയുമായിരുന്നു.
