അപൂര്‍വമായ ന്യൂറോളജിക്കല്‍ ഡിസോര്‍ഡര്‍ ഗീലന്‍ ബാര്‍ സിന്‍ഡ്രോം എന്ന രോഗം കൂടുതല്‍ റിപ്പോര്‍ട്ട് ചെയ്യുന്നതിന്റെ പശ്ചാത്തലത്തില്‍ 90 ദിവസത്തേക്ക് ദേശീയ ആരോഗ്യ അടിയന്തരാവസ്ഥ പ്രഖ്യാപിച്ച് പെറു. കണക്കുകള്‍ പ്രകാരം 182 ഗീലന്‍ ബാര്‍ സിന്‍ഡ്രോം കേസുകളാണ് പെറുവില്‍ റിപ്പോര്‍ട്ട് ചെയ്തിരിക്കുന്നത്. അതില്‍ 31 രോഗികള്‍ ചികിത്സയിലും 147 പേര്‍ രോഗമുക്തരാവുകയും ജനുവരി, മാര്‍ച്ച്, മേയ് മാസങ്ങളിലായി നാല് മരണങ്ങളും റിപ്പോര്‍ട്ട് ചെയ്തിട്ടുണ്ട്. ജനസമൂഹത്തിന്റെ സുരക്ഷയ്ക്ക് ഉതകുന്ന നടപടികളാണ് സ്വീകരിക്കുന്നതെന്ന് പെറു ആരോഗ്യമന്ത്രി സീസര്‍ വാസ്‌ക്വിസ് പറഞ്ഞു.
