കൊച്ചി: ബ്രഹ്മപുരം വിഷയത്തിൽ പ്രതികരിച്ച് നടി സരയു മോഹൻ. താൻ കൊച്ചിയിൽ താമസിക്കുന്നയാളാണെന്നും, കൊച്ചിയെ ഹൃദയത്തിൽ കൊണ്ടുനടന്നവളാണെന്നും നടി പ്രതികരിച്ചു. ഫേസ്ബുക്ക് കുറിപ്പിലൂടെയായിരുന്നു സരയുവിന്റെ പ്രതികരണം. സംഭവത്തിൽ കുറ്റക്കാർ ആരുതന്നെയായാലും ജനതയുടെ ആരോഗ്യകാര്യത്തിൽ ഇത്ര നിസാരമായി കാണുന്ന അധികാരികൾ വലിയ വേദനയാണ് നല്കുന്നതെന്നും നടി കുറിച്ചു. പുകമറയത്ത് കാണാതായ നിങ്ങളാണ് യഥാർത്ഥ മാലിന്യം എന്ന് മനസിൽ അടിവരയിട്ട് ഉറപ്പിക്കുന്നെന്നും സരയു വിമർശിച്ചു.
